აღმოაჩინეთ მადრიდი

აღმოაჩინეთ მადრიდი – მადრიდი-ესპანეთის დედაქალაქი, ერთ-ერთი საუკეთესო და პოპულარული ტურისტული ქალაქია მსოფლიოში.ტურისტების უმრავლესობისთვის მნიშვნელოვანია მოკლე დროში,რაც შეიძლება ბევრი საინტერესო ადგილი მოინახულონ.

რა უნდა ვნახოთ აუცილებლად მადრიდში?

“გზამკვლევი” გთავაზობთ მოკლე მონახაზს ,რაც დაგეხმარებათ მოგზაურობის დაგეგმვაში.

მადრიდის სამეფო სასახლე – Palacio Real de Madrid

მადრიდის სამეფო სასახლე, მადრიდის ყველა ვიზიტორის მარშრუტში მოიძებნება. ევროპის ერთ-ერთი გამორჩეული და უდიდესი ნაგებობა, მნახველზე შორიდანვე ახდენს დაუვიწყარ შთაბეჭდილებას. თუმცა პირველი ეფექტი არაფერია – სასახლის კედლებს კარავაჯოს, გოიას, ველასკესის უნიკალური შემოქმედება ამშვენებს. მადრიდის სამეფო სასახლეშივე ნახავთ, სტრადივარიუსის ერთადერთ სიმებიან კვინტეტს.

“Temple of Debod”

მადრიდში შეგიძლიათ ნახოთ ძველეგვიპტური ტაძარი. ის პირდაპირ Del Oste-ის პარკშია. ეს გახლავთ ეგვიპტის საჩუქარი ესპანეთს, რომელიც ტაძრების წყალდიდობისგან გადარჩენაში დაეხმარა.
ეგვიპტური სიწმინდეების ნახვა უფასოა 10:00-დან 14:00 სთ-მდე და 16:00-დან 20:00 სთ-მდე. პარკში ფეხით მიხვალთ სამეფო სასახლიდან.

ტაძარი ძალიან ლამაზია ღამის საათებში, როდესაც განათება ირთვება.

“La Plaza Mayor”

გირჩევთ მადრიდის კიდევ ერთ ხალხმრავალ და ცოცხალ მოედანს „La Piazza Mayor”-ს ეწვიოთ. მოედანზე და მის მიმდებარე ქუჩებზე, იპოვით ყველაფერს რაც შეიძლება წარმოიდგინოთ ან ვერ – ღია კაფეები, პატარა მაღაზიები, სამხატვრო გალერიები, ძველი შენობები საინტერესო არქიტექტურით და ულამაზესი ფასადებით .

 

“La Puerta del Sol”

მადრიდის კიდევ ერთ მოედანს – „La Puerta del Sol“-ში  გადადით. ზემოთ ჩამოთვლილ მოედნებს შორის, აღნიშნული ყველაზე ხმაურიანია. მოედანს რამდენიმე მთავარი ქუჩა უერთდება და მსოფლიო ბრენდების უდიდესი მაღაზიებია განთავსებული.

„Mercado San Miguel“

„Mercado San Miguel“ –  ერთ-ერთი უძველესი ბაზარი ქალაქში, სამეფო სასახლიდან სულ რაღაც 10 წუთის სავალზეა. აქ არამხოლოდ საკვები პროდუქტების შეძენა, არამედ დროის სასიამოვნოდ გატარება და უგემრიელესი, ადგილობრივი კერძების და სასმლის დაგემოვნებაც შეგიძლიათ. მიუხედავად იმისა, რომ  „Mercado San Miguel” ხალხმრავალი და ხმაურიანი ადგილია, ტურისტების საყვარელ სარელაქსაციო ადგილადაც ითვლება.

“Gran Via”

მადრიდის საკულტო ქუჩა კინომატოგრაფიული მასშტაბით არის ცნობილი (ტომ კრუზის ფილმში „Vanilla Sky” მადრიდის გრან ვიას ქუჩას ხშირად შეხვდებით). გაეშურეთ Corte Ingles Gourmet Experiences-სკენ, რათა დატკბეთ საოცარი ხედით ცნობილ ქუჩა შვეპსზე.

“Palacio de Cibeles”

ეს დიდებული შენობა მადრიდის საფოსტო დეპარტამენტის შტაბ-ბინად ითვლებოდა 2011 წლამდე. დღეს ის მადრიდის საქალაქო საბჭოდ არის ქცეული და იზიდავს ტურისტებს სადამკვირებლო მოედნიდან საოცარი ხედების გამო.

“Retiro Park”

მადრიდის ყველაზე ლამაზი პარკი – იდეალური ადგილია დასვენებისთვის, პიკნიკის მოწყობისა და მდინარეზე ნავით გასეირნებისათვის.

აუცილებლად უნდა ნახოთ  უბნები :

„Lavapies”

„Lavapies” – მადრიდის ეთნიკურად და კულტურულად მრავალფეროვანი უბანია, სადაც ერთ სივრცეში ცხოვრობენ მაროკოელები, ჩინელები, ინდოელები, კოლუმბიელები და ესპანელები. უბანში შეხვდებით განსხვავებული ხალხთა კულტურის დამახასიათებელ ტრადიციებს, რესტორნებს. თუ კარგი ფოტოს გადაღება გსურთ, შეიარეთ ზურიტას ქუჩაზე. „Lavapies”-თან ძალიან ახლოს არის “Museo Nacional Centro de Arte Reina Sofia”.

“La Latina”

მეორე დღე საინტერესოდ,  შეიძლება „ლა ლატინას“ ჰიპსტერულ უბანში დასრულდეს. ამ უბანში განთავსებულია ქალაქში საუკეთესო, რამდენიმე ბარი და რესტორანია.

და ბოლოს ხელოვნების და მუზეუმების მოყვარულებმა აუცილებლად უნდა ნახოთ მადრიდში :

Museo Nacional del Prado– ხელოვნების პირველი მუზეუმი ევროპაში.

The Reina Sofia – აქ დაცულია პიკასოს „ქალი ლუჯებში“.

აღმოაჩინეთ მადრიდი -“გზამკვლევთან” ერთად.

 

 

 

 

გაზიარება
გაგზავნა

ჩვენ ვიყენებთ ქუქი-ფაილებს და მსგავს ტექნოლოგიებს ჩვენს ვებსაიტზე კონფიდენციალურობის პოლიტიკა