ევროპაში მოგზაურობა  გულისხმობს  სხვადასხვა ქვეყნის საზღვრის გადაკვეთას, რაც თავის მხრივ გარკვეულ მოთხოვნებსაც მოიცავს.

ერთ-ერთი ყველაზე გავრცელებული მოთხოვნა  სხვა საჭირო დოკუმენტებთან ერთად  არის ე.წ „ჯიბის ფული“ – ანუ საკმარისი თანხა, რომლითაც მოგზაურმა უნდა დაადასტუროს, რომ მისი ფინანსური მდგომარეობა სტაბილური იქნება  ქვეყნის ტერიტორიაზე ყოფნის განმავლობაში

ეს მოთხოვნა მნიშვნელოვანია იმისათვის, რომ ქვეყნებმა მოიძიონ, თუ რამდენად უზრუნველყოფილი იქნება ვიზიტორი ფინანსურად  და არ შექმნის ფინანსურ თუ სოციალურ პრობლემებს.

ყველა ქვეყანას აქვს  თავისი ლიმიტი დღიური მინიმალური თანხის:

1. გერმანია

გერმანიაში, მოგზაურმა უნდა დაამტკიცოს, რომ აქვს საკმარისი ფული ქვეყნის ტერიტორიაზე ყოფნისთვის ,ეს თანხა შესაძლოა შერჩევითი იყოს, თუმცა საშუალოდ მოთხოვნილი თანხა დღეში 45-50 ევროა.

2.საფრანგეთი

ფრანგული მიგრაციული სისტემის მიხედვით, ქვეყანას შეუძლია მოითხოვოს 65-75 ევრო დღეში.

3. იტალია

იტალიაში, იგივე მოთხოვნები მოქმედებს,  დღიური მინიმალური თანხა რომელიც უნდა წარადგინოთ მოთხოვნის შემთხვევაში საზღვარზე  გახლავთ 50-60 ევრო დღეში.

4. პორტუგალია

 ამ ქვეყანაში მოთხოვნილი თანხა საშუალოდ 60-65 ევროა დღეში.

5. ესპანეთი

ესპანეთი ასევე ითხოვს დაახლოებით 60-70 ევროს დღეში, რათა დამაჯერებლად დადასტურდეს, რომ მოგზაურის ფინანსური მდგომარეობა საკმარისია ქვეყნის ტერიტორიაზე ყოფნის პერიოდში.

6. ბულგარეთი

ბულგარეთი ერთ-ერთი ყველაზე იაფი ქვეყანა გახლავთ ამ მხრივ, სადაც საკმარისი თანხა იწყება 30-35 ევროდან.

7. რუმინეთი

რუმინეთშიც არ არის ეს თანხა მაღალი  და მერყეობს 35-40 ევროს ფარგლებში .

8. შვეიცარია

შვეიცარია, სადაც ცხოვრების ღირებულება შედარებით მაღალია, შეიძლება მოითხოვდეს 100 შვეიცარიულ ფრანკს დღეში, რაც დაახლოებით 90-95 ევროა.

9. საბერძნეთი

საბერძნეთში მოთხოვნა გაცილებით ნაკლებია, ვიდრე სხვა ქვეყნების შემთხვევაში. იგი ჩვეულებრივ შეადგენს 40-50 ევროს დღეში.

10.პოლონეთი

პოლონეთში მოთხოვნილი თანხა ტურისტებისთვის: დაახლოებით 100-150 PLN (პოლონური ზლოტი) დღეში (დაახლოებით 22-33 ევრო).

დამატებით, გარდა ყოველდღიური სახარჯო ფულისა , საჭირო იყოს სხვა დოკუმენტებია საზღვრის კვეთის დროს :

_ბიომეტრიული პასპორტი;

-ორივე გზის ბილეთი;

-სამოგზაურო დაზღვევა;

და საცხოვრებლის დადასტურება ( სასტუმრო /ბინა/ა.შ)