ესპანეთის ყველა ქალაქი გამორჩეულია თავისი სილამაზით და ღირშესანიშნავი სანახაობებით, თუმცა შეგვიძლია გამოვარჩიოთ რამდენიმე ქალაქი ( კურორტი)  რომლებიც,  დიდი პოპულარობით სარგებლობს როგორც  ტურისტებში ასევე ადგილობრივ მაცხოვრებლებს შორის, განსაკუთრებით კი ზაფხულის ცხელ დღეებში.

ტოსა დე მარი

იდეალური ადგილია მშვიდი დასვენების მოყვარულთათვის და ბავშვებთან ერთად მოგზაური ოჯახებისთვის: აქ სამი დიდი ქვიშიანი პლაჟი და რამდენიმე ხმაურიანი დისკოთეკაა. მართალია, ზღვა შეიძლება არ იყოს საკმარისად თბილი ბავშვებისთვის, რადგან კოსტა ბრავა ესპანეთის ყველაზე გრილი სანაპიროა.

მათ, ვინც უპირატესობას ბანაობას და გარუჯვას ანიჭებს, Mar Gran, Mar Menuda და El Codolar პლაჟები ელოდებათ. სეზონზე ისინი სავსეა დამსვენებლებით, მაგრამ შეგიძლიათ ნავი იქირაოთ და ერთ-ერთ განმარტოებულ ყურეზე გადახვიდეთ, რომლებიც საკმარისი რაოდენობითაა კურორტის მახლობლად.

ტოსას მთავარი ღირსშესანიშნაობაა – XII საუკუნეში მეკობრეებისგან თავდაცვის მიზნით აშენებული Vila Vella-ს ციხე-სიმაგრეა. ციხე-სიმაგრეში Museu Municipal მდებარეობს – ესპანეთის ერთ-ერთი საუკეთესო ხელოვნების მუზეუმი. კოლექცია მრავალფეროვანია: რომაული მოზაიკიდან დაწყებული შაგალის ნახატებით დამთავრებული.

კურორტი ბარსელონის აეროპორტიდან 105 კილომეტრში მდებარეობს.

ლორეტ დე მარი

ლორეტ დე მარი – უნივერსალური კურორტია, აქ ერთნაირი სიამოვნებით ისვენებენ ოჯახები ბავშვებთან ერთად, წვეულების მოყვარულები და ხანდაზმული ადამიანები. მისი პოპულარობის ერთ-ერთი მიზეზია შესანიშნავი პლაჟები. ყველაზე გრძელია – Lloret (1.5 კმ),  ყველაზე მშვიდი ზღვით გამოირჩევა Santa Cristina, რომელიც ორი გორაკითაა გარშემორტყმული, ყველაზე თვალწარმტაცი კი Boadella-ა.

სასეირნოდ საუკეთესო ადგილია – იტალიური რენესანსის სტილში დაპროექტებული წმინდა კლოტილდას ბაღები. სხვა საინტერესო ღირშესანიშნაობებია: Sant Joan ციხე, Sant Pere del Bosc-ის ყოფილი ბენედიქტინის მონასტერი, წმინდა რომანის ეკლესია და საზღვაო მუზეუმი.

როგორ ჩავიდეთ? კურორტი  ბარსელონას აეროპორტიდან 90 კილომეტრში მდებარეობს.

სალოუ

შესაფერისია ბავშვებთან ერთად დასვენებისთვის, აღნიშნულია Family Tourism Destination ნიშნით. ადგილობრივი პლაჟები სისუფთავის საერთაშორისო სტანდარტებს აკმაყოფილებენ, აღჭურვილია ყოველივე საჭიროთი, მოწყობილია ბავშვთა სათამაშო მოედნები და ბავშვთა კლუბები. სალოუს მთავარი ქალაქის სანაპიროა – Llevant, ასევე ცენტრთან ახლოს მდებარეობს Ponent და Capellans, ცოტა მოშორებით მდებარეობს პლაჟი Llarga. თუ პატარა ბავშვების გარეშე მოგზაურობთ, გირჩევთ ქალაქიდან გახვიდეთ და ყურეში მდებარე ერთ-ერთ ველურ სანაპიროს ეწვიოთ.

აუცილებლად გამონახეთ დრო და PortAventura World კომპლექსს ეწვიეთ, რომელიც ევროპის ერთ-ერთ საუკეთესო გასართობ პარკად ითვლება: PortAventura Park ატრაქციონებით, აკვაპარკი Caribe Aquatic Park და Ferrari Land თემატური პარკი. კიდევ ერთი საინტერესო ღირსშესანიშნაობაა – შუქურა, რომლისკენ მიმავალ გზაზეც 3 სათვალთვალო მოედანია მოწყობილი.

როგორ ჩავიდეთ? კურორტი ბარსელონიდან 110 კილომეტრში მდებარეობს. აეროპორტიდან სალოუში ავტობუსით 2-2.5 საათში ჩახვალთ, ბილეთის ღირებულებაა დაახლოებით €15 ერთი გზა. მეორე ვარიანტია Barcelona Sants რკინიგზის სადგურში ჩამოხვიდეთ და ჩქაროსნულ მატარებელზე გადაჯდეთ, რომელიც სალოუში მიემგზავრება. გზაში დაახლოებით ერთ საათს გაატარებთ, ბილეთების შეძენას 15 ევროდ შეძლებთ.

ტარაგონა

ტარაგონა ტარაკონის ესპანეთის დედაქალაქი იყო და ამ დროის სამახსოვროდ ბევრი საინტერესო არქიტექტურული ღირშესანიშნაობაა შემონახული, რომლებიც იუნესკოს მსოფლიო მემკვიდრეობის ძეგლთა სიაშია შეტანილი. ეს კურორტი ცნობილია თავისი ოქროს ქვიშიანი პლაჟებით, ფესტივალებებით და ეროვნული დღესასწაულებით, ასევე  კატალონიური სამზარეულოს უგემრიელესი კერძებით.

ტარაგონას საუკეთესო პლაჟებია: Del Miracle, De L’arrabassada და Dels Capellans, ნუდისტები ისვენებენ პლაჟებზე De La Savinosa, Fonda და De La Roca Plana.

შესანიშნავ სათვალთვალო ადგილს, საიდანაც ზღვის, ქალაქისა და ძველი ამფითეატრის ულამაზესი ხედი იშლება, ეწოდება Balcó del Mediterrani (ხმელთაშუაზღვის აივანი). სხვა საინტერესო ღირშესანიშნაობებია: რომაული ფორუმი, საკათედრო ტაძარი, არქეოლოგიური პრომენადი, სასახლე Castellarnau, ვილა Canals, სახლი Balsells. ქალაქის შემოგარენში გირჩევთ იხილოთ მონასტერი Poblet, ციხე Castell de Tamarit და აკვედუკი Les Ferreres, რომელსაც ადგილობრივი მოსახლეობა ეშმაკის ხიდს უწოდებს.

როგორ ჩავიდეთ? კურორტი ბარსელონიდან 100 კილომეტრში მდებარეობს. ელ-პრატის აეროპორტიდან ტარაგონაში ავტობუსით ერთ საათში შეძლებთ ჩამოსვლას (€15). ასევე სადგურიდან Barcelona Sants ჩქაროსნული მატარებელი გადის, რომელიც ადგილზე ნახევარ საათში ჩაგიყვანთ  (€40).

ალიკანტე

შესანიშნავი პლაჟები + უამრავი საინტერესო ღირშესანიშნაობა – ეს არის ალიკანტეს პოპულარობის საიდუმლო.

საუკეთესო პლაჟებად  Urbanova და Postiguet ითვლება. ხოლო ის, რის გამოც მათი ცოტა ხნით დატოვება და საეირნოდ წასვლა ღირს, არის: სანტა ბარბარას ციხე, თანამედროვე ხელოვნების მუზეუმი MACA, რომლის კოლექციაც დალისა და პიკასოს ტილოებს მოიცავს, ხეივანი Explanada de España, ბაზარი Mercado Central, წმინდა ნიკოლოზის საკათედრო ტაძარი, წმინდა მარიამის გოთიკური ბაზილიკა, ქალაქის მერიის შენობა.

როგორ ჩავიდეთ? ყველაზე მოსახერხებელი ვარიანტია – ავიაბილეთები უშუალოდ ალიკანტემდე შეიძინოთ, არ არ აუცილებელი ბარსელონაში ან სხვა ქალაქში ჩაფრინდეთ და შემდეგ მატარებელზე ან ავტობუსზე გადაჯდომით იმგზავროთ.

ტორევიეხა

კურორტი პოპულარობით სარგებლოს რუსულენოვან ტურისტებს შორის, ხოლო მისი მუდმივი მაცხოვრებლების რიცხვი დაახლოებით 3000 ჩვენს ყოფილ თანამემამულეს მოიცავს (ეს არის ყველაზე დიდი დიასპორა ესპანეთში). შეგიძლიათ დაივიწყოთ ენის ბარიერის შესახებ – ტორევიეახაში რუსულენოვანი ჟურნალები და გაზეთები იყიდება, რუსულენოვანი ტელეარხები და კინოთეატრები ფუნქციონირებს.

ტორევიეხას კლიმატიც მიმზიდველია: აქ ძალიან არასდროს ცხელა (ზაფხულში ჰაერის საშუალო ტემპერატურაა +25°C). მზე წელიწადში 320 დღის განმავლობაში ანათებს, ხოლო წვიმა მაქსიმუმ ზედიზედ ორი დღის  განმავლობაში მოდის.

კურორტის მთავარი პლაჟია La Cura. ეს არის პატარა, სულ 375 მეტრი სიგრძისა და 20 მეტრის სიგანის პლაჟი, ამიტომ სეზონზე აქ ძალიან რთულია თავისუფალი ადგილის პოვნა. Los Naufragos – კიდევ ერთი პოპულარული ქვიშიანი პლაჟია, რომელიც სისუფთავისთვის „ლურჯი დროშითაა“ დაჯილდოვებული. იგი იდეალურია ბავშვებთან ერთად დასვენებისთვის: პალმის ხეების ქვეშ შეგიძლიათ ჩრდილს შეაფაროთ თავი, აქვეა აკვაპარკი. კურორტის სამხრეთ ნაწილში მდებარეობს პატარა თვალწარმტაცი პლაჟები  Ferris და Piteras, რომლებსაც სნორკელინგის მოყვარულები ირჩევენ ხოლმე.

ქალაქის შემოგარენში ცნობილი ტბა Salada de Torrevieja მდებარეობს, რომლის წყალიც ჩამავალ მზის სხივებზე ვარდისფერ შეფერილობას იღებს. წყლისა და ტალახის სამკურნალო თვისებების მიხედვით იგი ისრაელის მკვდარი ზღვის მსგავსია. ტორევიეხის მახლობლად მდებარეობს საინტერესო ეროვნული პარკი Molino del Agua.

როგორ ჩავიდეთ? უახლოესი საერთაშორისო აეროპორტი ალიკანტეში მდებარეობს, საიდანაც 50 წუთში და 7 ევროდ ავტობუსით შეძლებთ დანიშნულების ადგილზე ჩასვლას.

ბენიდორმი

ეს არის ესპანეთის კურორტი, სადაც ყველაზე მეტი წვეულება ეწყობა, ხოლო წვეულებებით განთქმულ კურორტებს შორის პლაჟების რაოდენობით გამოირჩევა! მას ხშირად „ესპანეთის ლას-ვეგასს“ უწოდებენ კლუბების, ბარების, კაზინოებისა და დისკოთეკების უხვი რაოდენობის გამო. ასევე გვხვდება სახელწოდება „ესპანეთის ნიუ-იორკი“, რადგან ქალაქში ბევრი ცათამბრჯენია (რეკორდსმენია Gran Bali, რომლის სიმაღლე 210 მეტრია).

ბენიდორმის პლაჟები აღიარებულია, როგორც ერთ-ერთი საუკეთესო არა მხოლოდ ქვეყანაში, არამედ მთელ ხმელთაშუა ზღვის სანაპიროზე. ორი ყველაზე პოპულარული პლაჟი კურორტის ცენტრალურ ნაწილში მდებარეობს: Levante და Poniente, მათ შორის კი, წყნარ ყურეში, პატარა Malpas იმალება. ორი მსხვილი პლაჟის გამყოფ კლდეზე სათვალთვალო მოედანია მოწყობილი.

ბენიდორმს მექას უწოდებენ არა მხოლოდ ხმაურიანი წვეულებების მოყვარულები, არამედ წყლის სპორტის თაყვანისმცემლებიც. კერძოდ, ბენიდორმი ქვეყნის  ერთ-ერთ წამყვან კურორტად ითვლება დაივინგის თვალსაზრისით: გამჭვირვალე წყლისა და წყლის მობინადრეების მრავალფეროვნების გარდა, ამას ხელს უწყობს ნებისმიერი დონის სკოლებისა და აღჭურვილობის გამქირავებელი პუნქტების სიუხვე.

ძველი ქალაქის ყველაზე საინტერესო ღირშესანიშნაობებია: წმინდა ჰაიმეს ეკლესია, იბერიული დასახლება ტოსალ-დე-კალა, ტორე-მორალეს-ესკალეტესის კოშკის ნანგრევები. დისკოთეკები და ღამის კლუბები თავმოყრილია სანაპიროზე და კურორტის ფარგლებს გარეთ – Avenida Comunidad Valenciana-ზე. Levante პლაჟის მიდამოებში უამრავი მსგავსი დაწესებულებაა.

როგორ ჩავიდეთ? უახლოესი საერთაშორისო აეროპორტი ალიკანტეს მახლობლად მდებარეობს. ტაქსი აეროპორტიდან ბენიდორმამდე  დაახლოებით €65 დაგიჯდებათ, ავტობუსის ბილეთი კი €7 ღირს.

ფუენგიროლა

ამ ქალაქმა  ტიპური მეთევზეთა სოფლის სულისკვეთება შეინარჩუნა, რომელსაც არცთუ ისე დიდი ხნის წინ წარმოადგენდა. ამას საფუძვლად მრავალი კულტურის თავისებურებები დაედო, რადგან ფუენგიროლას მოსახლეობის მეოთხედს უცხოელები წარმოადგენენ, უმრავლესობა გადმოსახლებულებია არგენტინიდან, მაროკოდან და სკანდინავიის ქვეყნებიდან. კურორტი პლაჟზე კომფორტული დასვენების, სეირნობისა და ლანდშაფტების მოყვარულებს იზიდავს.

ფუენგიროლას პლაჟები ესპანეთის საუკეთესო პლაჟებად ითვლება, სისუფთავისთვის ისინი მუდამ „ლურჯი დროშით“ არიან დაჯილდოვებული. კურორტის სანაპირო ზოლი 7 კილომეტრზეა გადაჭიმული და ამაყად ატარებს „ესპანეთის საზღვაო პრომენადის მეფის“  სახელს. შვიდი ძირითადი პლაჟია: El Ejido, Santa Amalia, San Francisco, Los Boliches, Torreblanca, Las Gaviotas და Carvajal

ოჯახებს ბავშვებთან ერთად ვურჩევთ ეწვიონ ბიოპარკს, Costa Water Park-ს ან გასართობ პარკს  Sould Park. ქალაქში სეირნობისას შეიარეთ  Plaza de la Constitución მოედანზე (ადგილობრივი მოსახლეობის საყვარელი შეხვედრის ადგილი) და არაბულ ციხეს Sohail, სადაც ზაფხულში სხვადასხვა ღონისძიება ტარდება.

როგორ ჩავიდეთ? კურორტთან უახლოესი აეროპორტია მალაგა. ყოველ 20-35 წუთში ფუენგიროლადან კომფორტული მატარებელი გადის, რომელიც ნახევარ საათში დანიშნულების ადგილზე ჩაგიყვანთ, ბილეთი კი სულ €3 ღირს. 00:00 საათიდან 5:30 საათამდე მატარებელი არ მოძრაობს, ამ დროს მხოლოდ ტაქსით შეგიძლიათ იმგზავროთ.

მარბელა

სამოთხე პლაჟზე დასვენების მოყვარულთათვის – მარბელასა და მის შემოგარენში 23 პლაჟია, რომელთა საერთო სიგრძე 27 კილომეტრია! 5-6 მათგანი სისუფთავისთვის ყოველწლიურად „ლურჯი დროშით“ ჯილდოვდება. Bounty Beach, Playa de Rio Real, Playa de Alicate, Playa Hermosa, Playa Real de Zaragoza  – კურორტის ცენტრის მახლობლად მდებარე მხოლოდ რამდენიმე ყველაზე პოპულარული ქვიშიანი პლაჟია.

კურორტის შუაგულია – Plaza de los Naranjos ძველ ქალაქში. აქ მდებარეობს ორი ყველაზე მნიშვნელოვანი ღირშესანიშნაობა: რატუშა და სამრევლო ეკლესია Ermita de Santiago (უძველესი მარბელაში). აქვე მდებარეობს XVI საუკუნეში აშენებული Nuestra Señora de la Encarnación-ის ტაძარი. ასევე გირჩევთ ეწვიოთ  ნავსაყუდელს Puerto Banús, რათა ძვირადღირებული იახტებით დატკბეთ, გემრიელად მიირთვათ ან ერთ-ერთ ლუქს-ბუტიკში მოდური ნივთები შეიძინოთ.  სხვა საინტერესო ღირსეშესანიშნაობებია:  მეჩეთი Mezquita del Rey Abdul Aziz al Saud (XV საუკუნე), პარკი Paseo del Alameda (XVIII საუკუნე), Moorish ციხის ნანგრევები.

როგორ ჩავიდეთ? კურორტი მალაგას აეროპორტიდან 45 კილომეტრში მდებარეობს.

ნებისმიერი თქვენი მოგზაურობის დასაგეგმად შეგიძლიათ მიმართოთ ტურისტულ კომპანიას –  იაფ ფრენები.