რა არის ე.წ წითელი ბარათი (tarjeta roja) , რა უპირატესობით სარგებლობ ამ ბარათით და როგორ უნდა ავიღოთ?

წითელი ბარათი ( tarjeta roja) გაიცემა ესპანეთის ტერიტორიაზე.ეს არის , საერთაშორისო დაცვის პროცესში განმცხადებლის სტატუსის დამადასტურებელი დოკუმენტი. წითელი ბარათი არის დროებითი დოკუმენტი, რომელიც გადაეცემა უცხოელს თავშესაფრის განაცხადის განსახილველად მიღების შემდეგ.

პროცესი იწყება შემდეგნაირად: ესპანეთში ჩამოსვლისას  ნიშნავ ვიზიტს პოლიციაში  https://sede.administracionespublicas.gob.es/ ( ამ საიტის მეშვეობით) და ითხოვ თავშესაფარს.იმისათვის ,რომ მოთხოვო თავშესაფარი უნდა გაგაჩნდეს ისტორია,რომლის საფუძველზეც დაადასტურებთ,რომ თქვენ იმყოფებით საფრთხეში,რის გამოც გჭირდებათ დახმარება. პოლიცია დაგიბარებთ მთავარ გასაუბრებაზე, სადაც დეტალურად აღწერთ თქვენს მდგომარეობას. აგიღებენ თითის ანაბეჭდს და მოგანიჭებენ ნიეს, პირველ ე.წ თეთრ საბუთს. ამ საბუთით არ გაქვთ მუშაობის უფლება.გაქვთ მხოლოდ ესპანეთის ტერიტორიაზე ლეგალურად ყოფნის უფლება. ეს საბუთი არის ვადაში ექვსი თვე,შემდეგ უკვე იგივე საიტზე,ნიშნავთ ვიზიტს თეთრი საბუთის შეცვლაზე და მეორედ უკვე გაძლევენ ე.წ წითელ საბუთს,რომელსაც ასევე ვადა აქვს  ექვსი თვე.

წითელი საბუთით გაქვთ ესპანეთის ტერიტორიაზე ლეგალურად ყოფნის და ასევე მუშაობის უფლება.

რა არის ე,წ წითელი საბუთის უპირატესობა? 

მათ ვისაც ე.წ წითელი საბუთი აქვს და მუშაობს აქტიურად, ორი წლის თავზე ორ წლიანი ჩაწერით და ექვს თვიანი ნამუშევრით შეუძლია შეიტანოს საბუთები ექსტრანხერიაში და მიიღოს პირველი ერთ წლიანი რეზიდენტობა.

რა არის ის უარყოფითი მხარეები ?

უარყოფითი არის ის , რომ ესპანეთის მთავრობას შეუძლია,ნებისმიერ დროს განიხილოს შენი საქმე,პასუხი მოგივიდეს ნეგატივი ანუ უარი და შესაბამისად ჩამოგერთვას საბუთი. არ არსებობს  გარანტირებული ვადები.შეიძლება პირველივე წითელი ბარათის   შეცვლაზე მოგივიდეთ უარი,შეიძლება ბარათი შეცვალოთ უპრობლემოდ რამოდენიმეჯერ.

რა სიტუაციაა დღეს ? შესაძლებელია თუ არა წითელი ბარათის აღება?

წითელი ბარათი-როგორც უკვე განვმარტე არის საერთაშორისო დაცვის პროცესში განმცხადებლის სტატუსის დამადასტურებელი დოკუმენტი.თავშესაფრის მოთხოვნის უფლება აქვს ყველა ადამიანს,თუმცა დღეს ესპანეთის ტერიტორიაზე ეს პროცესი ძალიან გართულებულია. სამინისტროში ვერ ინიშნება ვიზიტები,შესაბამისად ვერ ხდება დროებითი საბუთების გაცემა ამ თანმიმდევრობით. ძალიან ბევრი თავშესაფრის მომთხოვნი პირი არის პირდაპირი მნიშვნელობით დარჩენილი ქუჩაში და არ აქვს ღამის გასათევი.

თუ თქვენ გადაწყვეტილი გაქვთ ევროპის რომელიმე ქვეყანაში წასვლა და თავშესაფრის მოთხოვნა მნიშვნელოვანია ყოველთვის წინასაწარ გამოიკვლიოთ რა სიტუაციაა,ვერავინ გეტყვით ცალსახად, რომ თავშესაფრის მოთხოვნა,რომელიმე ქვეყანამ აკრძალა,რადგან ამის უფლება რეალურად არ აქვთ ერთპიროვნულად ქვეყნებს, თუმცა მნიშვნელოვანია გაიგოთ პროცესი როგორ მიმდინარეობს.

ამ ეტაპზე ესპანეთში,თავშესაფრის მოთხოვნის პროცესები რეალურად ძალიან  რთულად მიმდინარეობს,ფაქტიურად ყველა გზა ჩაკეტილია.