![](https://gzamkvlevi.com/wp-content/uploads/2024/09/download-300x200.jpeg)
როგორ ვიქირაო ბინა ესპანეთში?!
![](https://gzamkvlevi.com/wp-content/uploads/2023/08/5-COMO-IDENTIFICAR-UNA-BUENA-AGENCIA-INMOBILIARIA-680x365-1.png)
როგორ ვიქირაოთ ბინა ესპანეთში?
ემიგრაციაში ერთ-ერთი აქტუალური კითხვაა -როგორ ვიქირაო ბინა?
ბინის ქირაობა მარტივი პროცესი ნამდვილად არ არის, განსაკუთრებით იმ კანონის გამო, რაც ესპანეთის სახელმწიფოს აქვს, რაც გულისხმობს საკმაოდ ლოიალურ მიდგომას დამქირავებლის მიმართ, რომელიც თანხას ვერ იხდის და რასაც სამწუხაროდ ბევრი ბოროტად იყენებს.შეასაბამისად გამქირავებელი დარწმუნებული უნდა იყოს შენს გადახდისუნარიანობაში ასი პროცენტით, რაც პროცესს ართულებს,რადგან ხდება შენი მონაცემების გადამოწმება დეტალურად.
მოდი მივყვეთ თანმიმდევრობით. იმისათვის რომ დაიწყო ბინის ძებნა გჭირდებათ:
-ნიეს (NIE) ნომერი ან დენეის (DNI) ნომერი (იგივე საიდენტიფიკაციო დოკუმენტი ესპანეთის ტერიტორიზე).
ქართული პასპორტით ვერ იქირავებთ ბინას.
-სამსახურის კონტრაქტი და უმჯობესია ინდეფინიტო (ანუ ხანგრძილივი კონტრაქტი);
-ბოლო სამი თვის ნომინა (ხელფასის ამონაწერი,გაცემული სამსახურის მიერ და არა ბანკის);
-რა თქმა უნდა, უნდა გქონდეთ ბანკში ანგარიშის ნომერი;
-ან, თუ არ მუშაობთ კონტრაქტით,როგორც ფიზიკურ პირს უნდა გქონდეთ ავტონომო.(ფლობდეთ რაიმე კერძო ბიზნესს) (Autónomo) და მასთან დაკავშირებული ყველა დოკუმენტი.
ბინის ქირაობისას იშვიათად თუ შეხვდებით უშუალოდ მეპატრონეს, ძირითადად აქირავებენ ინმობილიარები (inmobiliaria სააგენტოები) შესაბამისად შენი ყველა ზემოთ ჩამოთვლილი დოკუმენტის გადამოწმება ხდება დამატებით Seguro de impago-ში.ეს არის ორგანო,რომელიც სწავლობს შენს შემოსავლებს და ადგენს ხარ თუ არა გადახდისუნარიანი.საბოლოო პასუხს,სწორედ ეს ორგანო იძლევა.
ზოგჯერ ითხოვენ თავდებს, ანუ მეორე ადამიანს იგივე დოკუმენტებით და პირობებით.
ბინის ქირას სხვადასხვა რეგიონებში სხვადასხვა ფასები აქვს. ბარსელონაში, მადრიდში ვალენსიაში შედარებით ფასები ძვირია .
ბინის ქირაობისას პირველ ეტაპზე იხდით:
-ორი თვის ბინის ქირას (პირველი თვის და ფიანსა fianza იგივე ავანსი),რომელიც გიბრუნდებათ თუ არაფერს დააზიანებთ ბინაში.
-სააგენტოს მომსახურებას,რომელიც იმდენივეა რაც ღირს ქირა და ზოგ შემთვევაში იხდით სეგუროსაც (seguro) ანუ დაზღვევას.
ბინის მოსაძებნად იდიალური საიტებია :
იდიალისტა;(idialsta)
მილანუნსიო; (milanuncios)
ფოტოკასა; (Fotocasa)
პისოს ქომ; ( Pisos.com)
თუმცა კარგად გაითვალისწინეთ არსად არ ხართ დაზღვეული ე.წ თაღლითებისგან, ამიტომ იყავით ფრთხილად. განსაკუთრებით თუ მოგთხოვენ სასურველი ბინის ნახვაში წინასწარ ფულის გადარიცხვას. არავის გადაუგზავნოთ თანხა ონლაინ , თქვენი კონტრაქტი და პირადი მონაცემები. თუ ზემოთ ჩამოთვლილ პირობებს ვერ აკმაყოფილებთ, დროებით შეგიძლიათ იქირაოთ ოთახი.ოთახის ქირაობისას იშვიათად ითხოვენ წარადგინოთ სამუშაო კონტრაქტი და ნომინები.(თუმცა მსგავსი შემთხვევებიც არის) მაგრამ საბოლოო ჯამში ოთახის ქირაობა გაცილებით მარტივი პროცესია.
გზამკვლევი გისურვებთ წარმატებებს!
- ნახვები 1086