![](https://gzamkvlevi.com/wp-content/uploads/2024/09/download-300x200.jpeg)
ქალაქები სადაც შემოდგომაზე უნდა იმოგზაუროთ
![](https://gzamkvlevi.com/wp-content/uploads/2023/09/shutterstock_357978497.webp)
მოგზაურობა ყველაზე კარგი თერაპიაა.სამოგზაუროდ ადამიანები ძირითადად ზაფხულის შვებულებას იყენებენ.
ზაფხულის თვეები ევროპაში ტურისტულად ყველაზე დატვირთულია. მართლაც, ამ დროს კულტურული და ისტორიული ძეგლები სავსეა ტურისტებით, ბარები და რესტორნები გადაჭედილია, სიცოცხლე ჩქეფს, თუმცა, ამ დროს ასევე ძალიან ცხელა და ხშირად ხალხმრავლობაც შემაწუხებელია.
თუმცა ნელ-ნელა უამრავმა ადამიანმა გაიაზრა, რომ მათთვის მოგზაურობისთვის საუკეთესო დრო, შესაძლოა, შემოდგომა იყოს. ამ დროს ფასებიც უფრო დაბალია, არც გაუსაძლისად ცხელა და ქუჩაში სიარულსაც უფრო მარტივად შეძლებთ.გზამკვლევი წარმოგიდგენთ ქალაქებს , რომელიც შემოდგომაზე განსაკუთრებით ლამაზია.
1. ბრიუგე, ბელგია![](https://gzamkvlevi.com/wp-content/uploads/2023/09/Bruges-Belgium-300x169.webp)
ბრიუგე შემოდგომაზე ევროპის ერთ-ერთ ყველაზე ლამაზ ქალაქად იქცევა, სახლები ოქროსფერი და მოწითალო ფერის ფოთლებით ფერადდება. არხებში არეკლილი სცენები კი განსაკუთრებით რომანტიკულ გარემოს ქმნის.
2. ბავარია, გერმანია![](https://gzamkvlevi.com/wp-content/uploads/2023/09/bavaria-300x200.webp)
სამხრეთ გერმანიაში თქვენ ევროპის ერთ-ერთი ყველაზე შთამბეჭდავი პეიზაჟები დაგხვდებათ. აქ თოვლით დაფარული მთების ფონზე ოქროსფრად შეღებილ ტყეებს შეხვდებით. შემოდგომაზე ბავარიაში მრავალი ფესტივალიც იმართება, მათ შორის Oktoberfest.
3. პიდმონტი, იტალია![](https://gzamkvlevi.com/wp-content/uploads/2023/09/italia-300x187.webp)
შემოდგომა, განსაკუთრებით კი ოქტომბერი იტალიაში საკვებისა და ღვინის სეზონია. ტრუფელი, წაბლი, შოკოლადი, ამ დროს თითოეულ საკვებს საკუთარი ფესტივალი აქვს. რა თქმა უნდა, ამ დროს ხდება ყურძნის დაკრეფაც. პიდმონტი ჩრდილოეთიდან ალპებითაა შემოსაზღვრული. ამ რეგიონში უთვალავ ბილიკს იპოვით და არაერთ ზღაპრულ ადგილს აღმოაჩენთ.
4. პრაღა, ჩეხეთი
შემოდგომაზე პრაღა განსაკუთრებით შთამბეჭდავია. ტურისტების რაოდენობა ნაკლებია, თუმცა ლამაზი დღეები და პეიზაჟები საკმარისზე მეტია. შემოდგომის ოქროსფერი ელფერი ისტორიულ ქალაქს იდეალურად ერწყმის, თანაც, შემოდგომაზე ქალაქის ღირსშესანიშნაობებს წყნარად და მშვიდად, ქაოსური ხალხმრავლობის გარეშე დაათვალიერებთ.
5. ლუგანო, შვეიცარია
ლუგანო შვეიცარიის სამხრეთ რეგიონში, ლუგანოს ტბის პირას ალპების ქვეშ მოქცეული პატარა ქალაქია. ლუგანო წელიწადის ნებისმიერ დროს ულამაზესია, თუმცა შემოდგომაზე აქ ჩასვლა ნიშნავს, რომ ზაფხულის ძლიერი სიცხე არ შეგაწუხებთ. ოქტომბრის პირველ კვირაში ჩასვლით კი შემოდგომის ფესტივალსაც დაესწრებით, სადაც ადგილობრივ ფოლკლორს გაეცნობით და ყურძნის კრეფის დაწყებასაც იზეიმებთ.
6. კარვენდელის ნაკრძალი, ავსტრია
ეს ქალაქ ინსბრუკთან არსებული პატარა ტერიტორიაა, რომელიც ზღვის დონიდან 1200 მეტრის სიმაღლეზე მდებარეობს. აქ შეხვდებით ალპურ მდელოს, რომელიც ათასობით ნეკერჩხლის ხითაა დაფარული, თითოეული მათგანი კი შემოდგომაზე ოქროსფრად ბრწყინავს. ზოგიერთი ხის ასაკი 600 წელსაც აჭარბებს. ეს ლაშქრობებისთვის საუკეთესო ადგილია.
7. ლუარის ხეობა, საფრანგეთი
ლუარის ხეობაში თვალუწვდენელ ვენახებს შეხვდებით, რომელთა საერთო ფართობი 75 000 ჰექტარს აჭარბებს. დამთვალიერებლების თქმით, თუ შემოდგომის ფერების სრულად აღქმა გსურთ, ლუარის ხეობა ამისათვის საუკეთესო ადგილია.
8. ჰალშტატი, ავსტრია![](https://gzamkvlevi.com/wp-content/uploads/2023/09/5-300x200.webp)
ავსტრია ამ სიაში უკვე მეორედ მოხვდა, რაც ალბათ ამ ქვეყანაზე თავისთავად მეტყველებს. ჰალშტატი იუნესკოს მსოფლიო მემკვიდრეობის სიაშია შესული. ჰალშტატი ამავე სახელობის ტბის ნაპირზე არსებული პატარა ქალაქია და ის ტურისტებისთვის ერთ-ერთი ყველაზე პოპულარული ადგილია. ამ ადგილზე საუბრით თავს აღარ შეგაწყენთ და მოგცემთ საშუალებს, რომ ზემოთ მოცემული ფოტოებით დატკბეთ.
9. ბლედის ტბა, სლოვაკეთი
ეს ულამაზესი ტბა სლოვაკეთში, ლიუბლიანასთან ახლოს მდებარეობს, რის გამოც მას შეგიძლიათ დღის განმავლობაში ეწვიოთ.
შემოდგომაზე სტუმრობისას ყველაზე კარგი გადაწყვეტილება ტბის გარშემო არსებულ მთებზე ლაშქრობაა, საიდანაც თქვენს წინაშე ულამაზესი ხედები გადაიშლება.
10. ამსტერდამი, ნიდერლანდები![](https://gzamkvlevi.com/wp-content/uploads/2023/09/amsterddam-300x200.webp)
სექტემბერი, ოქტომბერი და ნოემბერი ამსტერდამის მოსანახულებლად ყველაზე ჯადოსნური დროა. გარშემო შედარებით სიმშვიდეა, ქალაქის არხები და პარკები ოქროსფერი ფოთლებითაა მოფენილი, ქუჩებზე გვერდიგვერდ ჩალაგებული ბარები და რესტორნები კი სიმყუდროვისა და კომფორტის განცდას აჩენს.
წყარო; ON.GE
- ნახვები 6556