ამერიკის საპრეზიდენტო არჩევნები ძალას იკრებს და სულ უფრო საინტერესო ხდება. ბუნებრივია, მსოფლიოს ერთ-ერთი უდიდესი სახელმწიფოს საგარეო და საშინაო პოლიტიკა მსოფლიოს დაინტერესებული ნაწილისათვის ძალიან საინტერესოა, მით უფრო – ქართველებისათვის. ამერიკაში დღეისათვის ქართველების რაოდენობა საკმაოდ დიდია. კვლევითმა ცენტრმა PMC  2022 წლის მონაცემებით,  2010-2020 წლების პერიოდში, ქართველი ემიგრანტების რიცხვი 7%-ით გაიზარდა, რაც იმას ნიშნავს, რომ საქართველოს მოსახლეობის 23% ემიგრაციაშია წასული.

დოკუმენტში ნათქვამია, რომ „უკანასკნელ ათწლეულში საქართველოდან ემიგრაციული ნაკადები შესამჩნევი იყო, ხოლო ეკონომიკური დამოკიდებულება ფულად გზავნილებზე – მაღალი“.კვლევის თანახმად, ქართველი შრომითი ემიგრანტების დიდი წილი არალეგალურად ცხოვრობს და მუშაობს მიმღებ ქვეყანაში.

მიმღებ ქვეყნებს შორის წლების განმავლობაში პირველ ადგილზე რუსეთი იდგა, სადაც, სულ მცირე, ნახევარი მილიონ ქართველი ცხოვრობდა, ამერიკის შეერთებული შტატები ქართველი ემიგრანტების მიღების მხრივ პირველ ათეულშიც ვერ ხვდება, თუყმცა ეს მიმართულება ბოლო წლებში სერიოზულად გაიზარდა. ოცნებების ასრულების ქვეყანას ქართველები მექსიკის გავლით უერთდებოდნენ, თუმცა როგორც ბოლო ორ წელიწადში ჩასული ადამიანები ამბობენ, სიტუაცია აქ საკმაოდ შეცვლილია.

მერი 2 წლის წინ წავიდა მექსიკის გავლით ამერიკაში ოცნებების ასასრულებლად, უფრო კი სამი შვილისათვის უკეთესი მომავლის შესაქმნელად. ის ამჯამად ნიუ იორკში ცხოვრობს, მუშაობის უფლება მოიპოვა და მწვანე ბარათს ელოდება. ის ამბობს, რომ საზღვარზე ეხლა მდგომარეობა უფრო გამკაცრებულია, ვიდრე ორი წლის წინათ და ჩამსვლელებს საკმაოდ დიდხანს უხდებათ მექსიკაში ლოდინი, რადგან ამერიკაში შესვლაზე საქმის განხილვას სასამართლო პირდაპირ მექსიკაში უნიშნავს ამერიკაში შესვლის მსურველს. აქამდე პოპულარული პოლიტიკური ნიშნით დევნა და ოჯახური ძალადობის მსხვერპლი ქალების ისტორია იყო, ეხლა კი უფრო ლგბტ პირებს ანიჭებენ უპირატესობას, რადგან ამ მხრივ სიტუაცია და მიუღებლობა მართლაც რთულია, მათ შორის – საქართველოში. მოსამართლეები ხშირად ინტერესდებიან, რატომ არ მიმართვენ ქართველები ევროპის ქვეყნებს თავშესაფრის მოთხოვნით. აქ „მსხვერპლმა“უნდა დაარწმუნოს ამერიკელი მოსამართლე, რომ ევროპასთან ჩვენ უვიზო მიმოსვლა გვაქვს და აქ ადვილად მისწვდებიან შურისმაძიებლები.

მერი იზიარებს ამერიკის პრეზიდენტობის კანდიდატის, დონალდ ტრამპის წუხილს იმის თაობაზე, რომ მიგრაციის უზარმაზარმა ტალღამ შრომის პირობები და ანაზღაურება სერიოზულად შეამცირა და გაართულა. ახალი ჩამოსულები ძირითადად ე. წ. „დორდაშის“ ანუ მზა საკვების მიტანის სერვისზე არიან დასაქმებულები და ამასაც ტრანსპორტის დაქირავება სჭირდება. „აქ ცამოსულს ხელზე, ყველაზე მინიმუმ, 5-8 ათასი დოლარი მაინც უნდა ჰქონდეს, რომ თავი გაიტანოს პირველ ხანებში“, – ამბობს ის.

მისივე თქმით, ნიუ იორკში, კერძოდ ბრუკლინში ყველაზე მძაფრად ნარკოტიკების პრობლემა უფრო მძაფრია, ვიდრე დასაქმების.

დონალდ ტრამპიც სწორედ ამ დღეებში ჩავიდა მექსიკის მოსაზღვრე ქალაქ ფენიქსში და ხალხს ამერიკა-მექსიკის საზღვრის ჩაკეტვას დაპირდა. მან ბაიდენს ყველაზე ცუდი პრეზიდენტი უწოდა იმის გამო, რომ მის დროს აშშ-ში 20 მილიონი ემიგრანტი შევიდა, რომელთა შორის უმეტესობა ნასამართლევი, კრიმინალი და ნარკომომხმარებელია. მოგეხსენებათ, მექსიკის საზღვარზე 15 მეტრიანი კედელი უკვე აშენებულია, მაგრამ ტრამპის გეგმაა, რომ სწორედ ემიგრანტების მოზღვავებით გაღიზიანებული ამერიკელების გული მოიგოს მაშინ, როცა კამალა ჰარისი აცხადებს, რომ ის ყველას პრეზიდენტი იქნება და არა მილიარდელების, არამედ საშუალო კლასის მდგომარეობას გააუმჯობესებს გადასახადების შემცირებით. ისედაც ცნობილი იყო, მაგრამ ახლა ირკვევა, რომ კამალა ჰარისი ცოტა მოისოციალისტებს. ის ამერიკელებს ასევე დაპირდა პროდუქტებზე ზღვრული ფასების დაწესებას.

დღეისათვის რესპუბლიკელებისა და დემოკრატების შანსები თანაბრად გამოიყურება, რაც მეტ მიმზიდველობას ანიჭებს ამ არჩევნებს, უფრო მეტად კი სურათი სექტემბერში გამოიკვეთება, როცა ჰარისი და ტრამპი სატელევიზო დებატებს გამართავენ.

ჩვენი მოკრძალებული პროგნოზით, იანვარში აშშ-ს დიდი ალბათობით, პირველი ქალი პრეზიდენტი ეყოლება ისტორიაში.