![](https://gzamkvlevi.com/wp-content/uploads/2024/09/download-300x200.jpeg)
როგორ გავაკეთოთ უფასო ჯანმრთელობის დაზღვევა ესპანეთში
![](https://gzamkvlevi.com/wp-content/uploads/2023/08/front-view-doctor-holding-medical-element-442x280-1.jpg)
ჯანმრთელობის დაზღვევა ემიგრაციაში ერთ-ერთი აქტუალური თემაა. დამერწნუნებით რომ ადამიანებს იპყრობთ შიში, როცა ფიქრობენ, რომ უცხო ქვეყანაში შეიძლება დასჭირდეთ სამედიცინო დახმარება და ვერ მიიღონ.
ესპანეთში ამ მხრივ შეგიძლიათ მშვიდად იყოთ.
პირველი რაც უნდა გააკეთოთ, როცა ამ ქვეყანაში ჩამოსვლას და დარჩენას გადაწყვიტავთ არის ჩაწერა მისამართზე.
თუ ქირაობთ ბინას, ჩაწერას აკეთებთ თქვენივე ნაქირავებ ბინაში.
თუ გაქვთ ნაქირავები ოთახი, იშვიათად თუმცა შეიძლება მეპატრონემ ჩაგწეროთ ბინაში.(აუცილებლად კითხეთ) თუ ვერცერთ ვარიანტს ვერ აკმაყოფილებთ, ნუ მოტყუვდებით და ნუ გადაიხდით თანხას ჩაწერაში, რადგან შეგიძლიათ გააკეთოთ უმისამართო ჩაწერა. (empadronamiento sin domicilio) ჩაწერის გაკეთება ხდება მერიაში. ( Ayuntamiento) თუ პატარა ქალაქში ხართ მერია შეიძლება ერთი იყოს, თუ დიდ ქალაქში ხართ ყველა უბანს აქვს თავისი.
შემდეგ უკვე ჩაწერის დოკუმენტით ( ერთი თაბახის ფურცელია) მიდიხართ ისევ თქვენი უბნის საავადმყოფოში ( Centro de medico) კატალონიაში სახელწოდებით (CAP ) გაითვალისწინეთ ეს არის პატარა საავადმყოფოები, სადაც არიან ოჯახის ექიმები და ჩაწერის დოკუმენტის საფუძველზე ითხოვთ სამედიცინო ბარათს! (არ არის სავალდებულო გქონდეთ ნიე, ამ ყველაფერს გააკეთებთ პასპორტითაც), ან იქვე მოგცემენ დროებით ბარათს, ან რაიმე დოკუმენტს და შემდეგ უკვე ბარათი დამზადდება მოგვიანებით. თუმცა ამ დოკუმენტითაც უკვე შეგეძლებათ დანიშნოთ ვიზიტი ექიმთან.უფასოდ!
ასევე იმ ადამიანებს,ვისაც მინიჭებული აქვს სოციალ სეგურიდადის ნომერი, სამედიცინო ბარათის აღების შემდეგ შეგიძლიათ მოითხოვოთ საერთაშორისო დაზღვევა (https://www.seg-social.es/) აი ამ ლინკზე ონლაინ.რაც ნიშნავს, რომ თქვენ გექნებათ ესპანეთის ფარგლებს გარეთაც უფასო ექიმის მომსახურება. საერთაშორისო დაზღვევის გაკეთებაც არის უფასო !
თუ გაქვთ ისეთი პრობლემა,რომ ვერ ელოდებით ექიმთან ვიზიტს და სასწრაფოა, მიდიხართ ურხენსიაში Urgencia (სასწრაფოში),რომელიც ასევე ყველა უბანს აქვს, სადაც ნებისმიერ შემთხვევაში მოგაქცევენ ყურადღებას ექიმები.
ჩაწერის გაკეთებას და სამედიცინო ბარათის აღებას სჭირდება წინასწარ სიტა (შეხვედრის ჩანიშვნა), რომელიც ხდება ონლაინ ან დარეკვით!
სიტის დასანიშნად შეგიძლიათ მიმართოთ გზამკვლევს.
გზამკვლევი გისურვებთ წარმატებებს!!!
- ნახვები 2555